جمعت الشوق واهديته عيونك...
وكل الحب في دربك نثرته
وعطرت المشاعر من جنونك...
واهديت العمر لك لو خسرته
زماني ماتخيلته بدونك...
وليلي بدون همسك ماسهرته
أحبك مثل ما حظك يخونك...
ومثل ماجابك الحظ وشكرته
ملكت القلب لاتكثر ضنونك...
ولوقلبي يبي غيرك نهرته
يمر البال ناس يشبهونك...
وكثر مامر غيرك ماذكرته
رياح الشوق تستاذن سكونك...
بها من الوجد فوق الي انتظرته
يكفيك العمر فدوة عيونك...
وكل الحب في دربك نثرته